ლანჩხუთის მუნიციპალიტეტის მერმა ალექსანდრე სარიშვილმა ახალი სასწავლო წელი საჯარო და მართლმადიდებლური სკოლების მოსაწავლეებს მიულოცა.
“ახალი სასწავლო წლის დაწყებას ვულოცავ მოსწავლეებს, პედაგოგებს, მშობლებს. განსაკუთრებით ვულოცავ პირველკლასელებს. ლანჩხუთის მუნიციპალიტეტში 235-მა პატარამ შეაღო სკოლის კარი პირველად. მინდა, გისურვოთ წარმატებული და საინტერესო მომავალი. წარმატებების წელი ყოფილიყოს თითოეული თქვენგანისთვის!” – განაცხადა ალექსანდრე სარიშვილმა.
ლანჩხუთის მერთან ერთად სკოლებში მერის პირველი მოადგილე ეკატერინე გუჯაბიძე, საკრებულოს დეპუტატი კახა კვიტაიშვილი და საგანმანათლებლო რესურსცენტრის ხელმძღვანელი ნინო ჩიტაძე იმყოფებოდნენ.
