ლანჩხუთში ინფრასტრუქტურული პროექტების მიმდინარე სამუშაოები გურიის მხარის რწმუნებულმა ზურაბ ნასარაიამ მუნიციპალიტეტის მერთან, ალექსანდრე სარიშვილთან ერთად მოინახულა. ქალაქში 12 ქუჩაზე ეწყობა სანიაღვრე არხები. . სამუშოები რეგიონებში განსახორციელებელი პროექტების ფონდიდან ფინანსდება. “მუნიციპალიტეტში ინფრასტრუქტურულ სამუშაოებზე საერთო ჯამში 11 600 000 ლარი დაიხარჯება. გარდა ამისა, დაგეგმილია სამი სკოლის სრული რეაბილიტაცია და ახალი საბავშვო ბაღების მშენებლობაც. მიმდინარე წელს, გურიის რეგიონის მასშტაბით, არაერთი პრიორიტეტული ინფრასტრუქტურული პროექტი განხორციელდება და ადგილობრივები კეთილმოწყობილი ინფრასტრუქტურით ისარგებლებენ“- განაცხადა ზურაბ ნასარაიამ.
