დღეს გურიის მხარის რწმუნებულმა, ზურაბ ნასარაიამ, ლანჩხუთის მუნიციპალიტეტის მერმა ალექსანდრე სარიშვილმა, საკრებულოს თავმჯდომარე ბესიკ ტაბიძემ და მერიის სოციალური სამსახურის უფროსმა თამარ ფიცხალაიშვილმა განსაკუთრებული საჭიროების მქონე 13 ბენეფიციარს ეტლები დაურიგა. აღნიშნული ეტლები ლანჩხუთის მუნიციპალიტეტს არასამთავრობო ორგანიზაციამ, “ქალები მშვიდობისა და სიცოცხლისათვის” გადასცა. “მინდა დიდი მადლობა გადავუხადო ყველას, ვინც გვერდით დაგვიდგა და ჩვენი სატკივარი ასე ახლოს მიიტანა გულთან” – გვითხრა ყველაზე პატარა ბენეფიციარის, ლუკა კ.-ს ბებიამ. “დღეს 13 ბენეფიციარს გადავეცით ეტლი. ჩვენი ვალია ასეთ ადამიანებს აღმოვუჩინოთ თანადგომა და დავეხმაროთ” – აღნიშნა ალექსანდრე სარიშვილმა.
