აცანის მოსახლეობამ ანგარიში მოისმინა

თევდორაძის თქმით, აქტიურად იყო ჩართული, რომ აცანაში განხორციელებულიყო შემდეგი ინფრასტრუქტურული პროექტები:

აცანაში ქინქლაძეების უბანში მოეწყო სანიაღვრე სისტემა,გაკეთდა რკინა-ბეტონის გზები (თედორაძეების, კვიჭიძეების, ნაშენებას, წილოსნების უბანში), სოფელ აცანაში მოეწყო შიდა გზები, აღდგა აცანა-აკეთის დამაკავშირებელი გზა. ჯიჯიეშვილების უბანში გაიწმინდა ჩამოწოლილი მეწყერი, მდინარე აცაურაზე მოეწყო ხიდი, მაგული ჩხაიძის ეზოსთან გაკეთდა საყრდენი კედელი.

საანგარიშო პერიოდში საკრებულოს წევრის შუამდგომლობით დახმარება გაეწია არაერთ მოქალაქეს სამკურნალო და საოპერაციო, მედიკამენტების შეძენის, მძიმე საცხოვრებელ პირობებში მყოფი ოჯახების დროებითი თავშესაფრით უზრუნველყოფის პროგრამის ფარგლებში.

სტიქიის შედეგად დაზარალებულ ოჯახებს გადაეცა სახლის სახურავის საჭირო სამშენებლო მასალა.

საკრებულოს წევრმა 2019 წლისთვის სოფლის მხარდაჭერის პროგრამის ფარგლებში შესასრულებელ პროექტებზე ისაუბრა: კვიჭიძეების უბანში მოეწყობა გარე განათება, კილისძირის წყარო მოპირკეთდება და მოწყობა სკვერი, იგეგმება წყლის წისქვილის აღდგენა,
ადმინისტრაციულ შენობაში, სადაც განთავსებულია საექიმო პუნქტი, ბიბლიოთეკადა სხვა დაწესებულებები, მოეწყობა სველი წერტილი.

წელსვე დაიწყება თანამედროვე სტანდარტის შესაბამისი ორ ჯგუფიანი საბავშვო ბაღის მშენებლობა, რომელსაც მუნიციპალური განვითარების ფონდი აფინანსებს. რეაბილიტაცია უტარდება ასევე სოფლის ამბულატრიას.

შეხვედრაზე დაისვა შემდეგი საკითხები: სასმელი წყლის პრობლემა წილოსნების უბანში, ტელმანსა და სოფლის ცენტრის მიმდებარედ; შიდა გზების მოწესრიგების და საჯარო სკოლისთვის სპორტული დარბაზის მშენებლობის საკითხი.

მოსახლეობამ ინფორმაცია მოისმინა ასევე გაზიფიცირებასღან დაკავშირებით. როგორც მაჟორიტარმა აღნიშნა, სამუშაოები დაწყებულია, აცანაში 36 კილომეტრი სიგრძის მაგისტრალი მოეწყობა.

#გურია2019
#ლანჩხუთი2019
#აცანა2019
#წლისანგარიში2018