შეზღუდული შესაძლებლობები არ არსებობენ, არსებობენ მხოლოდ განსაკუთრებული საჭიროების მქონე ადამიანები. სწორედ ასეთი კატეგორიის 18 წლამდე ასაკის მოზარდებისთვის ლანჩხუთის მუნიციპალიტეტის მერიის სოციალური პროგრამა ითვალისწინებს 10 დღიან სარეაბილიტაცო კურსს ურეკში. წელს ურეკში აღნიშნული პროგრამის ფარგლებში 14 ბავშვი ისვენებს. მათ ლანჩხუთისა და ოზურგეთის მუნიციპალიტეტების ხელმძღვანელებისათვის, მადლობის ნიშნად, კონცერტი მოაწყვეს, რომელსაც ლანჩხუთის მუნიციპალიტეტის მერი ალექსანდრე სარიშვილი, ოზურგეთის მერი კონსტანტინე შარაშენიძე, მერის მოადგილეები, თანაშემწე და გენდერული თანასწორობის საბჭოს თავმჯდომარე ესწრებოდნენ. კონცერტის ორგანიზატორები იყვნენ ლანჩხუთისა და ოზურგეთის საქველმოქმედო ორგანიზაციები “საბა” და “გურია”. მაყურებელი ნანახით აღფრთოვანებული დარჩა და ბავშვებმაც ძალიან ისიამოვნეს.
