ლანჩხუთის მუნიციპალიტეტის მერიის ორგანიზებით, კულტურის ცენტრში წარმატებული კურსდამთავრებულების დაჯილდოების ცერემონია გაიმართა.
ღონისძიების ფარგლებში ახალგაზრდებს სტუდენტობა მიულოცეს და მათ ფულადი პრიზები და სიგელები გადაცეს გურიის მხარეში სახელმწიფო რწმუნებულმა გიორგი ღურჯუმელიძემ, საქართველოს განათლების, მეცნიერებისა და ახალგაზრდობის მინისტრის მოადგილე თამარ მახარაშვილმა, ლანჩხუთის მერმა ალექსანდრე სარიშვილმა და საკრებულოს თავმჯდომარე ბესიკ ტაბიძემ.
