დღეს ლანჩხუთის მუნიციპალიტეტში ახალი მოწვევის საკრებულოს პირველი სხდომა გაიმართა, სადაც საკრებულოს თავმჯდომარედ ხმათა უმრავლესობით, ბესიკ ტაბიძე იქნა არჩეული.
საკრებულოს ახლადარჩეულმა თავმჯომარემ მადლობა გადაუხადა კოლეგებს კიდევ ერთხელ გამოცხადებული ნდობისთვის:
„დღეს მესამე ვადით მოხდა ჩემი საკრებულოს თავმჯდომარედ არჩევა. რაც, ბუნებრივია, ძალიან სასიამოვნოა, თუმცა, უდიდეს პასუხისმგებლობას მაკისრებს. მადლობა „ქართული ოცნების“ პოლიტიკურ გუნდს კიდევ ერთხელ გამოცხადებული ნდობისთვის. მადლობა ჩემს კოლეგებს და ოჯახს მხარდაჭერისთვის. 4 ოქტომბრის ადგილობრივი თვითმმართველობის არჩევნებმა კიდევ ერთხელ დაადასტურა, რომ ჩვენს გუნდს უპრეცედენტოდ მაღალი მხარდაჭერა აქვს. ეს კი საზოგადოების წინაშე განსაკუთრებულ ანგარიშვალდებულებას გვაკისრებს. მზად ვართ მომდევნო 4 წლის განმავლობაში ვემსახუროთ ქართველ ხალხს, რაც კეთილდღეობის სწრაფად ზრდაში და იმ სიკეთეებში უნდა აისახოს, რომელსაც თითოეული ჩვენი მოქალაქე თავად იგრძნობს,“ – აღნიშნა ბესიკ ტაბიძემ.
სხდომაზე დღესვე საკრებულოს თავმჯდომარის მოადგილეები, ფრაქციებისა და კომისიების თავმჯდომარეები აირჩიეს.
საკრებულოს პირველ სხდომას ლანჩხუთის მუნიციპალიტეტის მერი ალექსანდრე სარიშვილი ესწრებოდა, რომელმაც საკრებულოს წარმატებები უსურვა და აქტიურული თანამშრომლობისთვის მზადყოფნა დაუდასტურა.
