დღეს ლანჩხუთის მუნიციპალიტეტის საკრებულოს ბიუროს სხდომა გაიმართა, რომელსაც საკრებულოს თავმჯდომარე ბესიკ ტაბიძე უძღვებოდა.
ბიუროს სხდომას მუნიციპალიტეტის მერი ალექსანდრე სარიშვილი ესწრებოდა.სხდომაზე იმსჯელეს „ლანჩხუთის მუნიციპალიტეტის 2022 წლის ბიუჯეტიდან სოციალური დახმარების გაცემისა და მიღების წესის დამტკიცების შესახებ“ ლანჩხუთის მუნიციპალიტეტის საკრებულოს 2022 წლის 25 იანვრის N1 დადგენილებაში ცვლილების შეტანის თაობაზე“, (http://lanchkhuti.gov.ge/?p=11432) რომელიც ბიუროს მერიის ჯანმრთელობის დაცვისა და სოციალური სერვისების სამსახურის უფროსმა თამარ ფირცხალაიშვილმა წარმოუდგინა.
აღნიშნულ საკითხზე ადმინისტრაციული წარმოება იწყება და ბიურომ მიზანშეწონილად მიიჩნია, რომ შესაბამისმა კომისიებმა, ფრაქციებმა და საკრებულომ განიხილოს.ბიუროს სხდომაზე ლანჩხუთის მუნიციპალიტეტის 2022 წლის ბიუჯეტის აგვისტოს თვის შესრულების ანგარიში მოისმინეს, (http://lanchkhuti.gov.ge/?p=11448 ), რომელიც ბიუროს წევრებს საფინანსო-საბიუჯეტო სამსახურის უფროსმა როლანდ ლაშხიამ გააცნო.საფინანსო-საბიუჯეტო სამსახურის უფროსის მიერ წარმოდგენილი ანგარიში ცნობად იქნა მიღებული.სხდომაზე იმსჯელეს 2 განკარგულების პროექტზე:
1. „ლანჩხუთის მუნიციპალიტეტის საკუთრებაში არსებული უძრავი ქონების სახელმწიფო საკუთრებაში გადაცემის შესახებ”, რომელიც მერიის ქონების მართვისა და სოფლის მეურნეობის სამსახურის უფროსმა ირაკლი ხუხუნაიშვილმა წარმოადგინა.2. „ა(ა)იპ „ლანჩხუთის მუნიციპალიტეტის ეკონომიკური განვითარებისა და ინოვაციების ცენტრი“-ს (ს/კ: 233733984) ლიკვიდაციაზე მერისათვის თანხმობის მიცემის შესახებ“, რომელზეც მერის პირველმა მოადგილე ეკა გუჯაბიძემ ისაუბრა.
ძირითადი საკითხების დასრულების შემდეგ ბიუროს წევრებმა მუნიციპალიტეტში არსებული სხვადასხვა მნიშვნელოვანი საკითხებზე ისაუბრეს.ბიუროს გადაწყვეტილებით, საკრებულოს სხდომის თარიღად განისაზღვრა 2022 წლის 27 სექტემბრის 12.00 საათი.
