ლანჩხუთის მუნიციპალიტეტის საკრებულოს წევრმა, ჩოჩხათის ადმინისტრაციული ერთეულის მაჟორიტარმა რეზო კვაჭაძემ ამომრჩეველს 2018 წელს გაწეული მუშაობის შესახებ ანგარიში წარუდგინა.
შეხვედრას საკრებულოს თავმჯდომარე ბესიკ ტაბიძე უძღვებოდა. ანგარიშის წარდგენას საკრებულოს წევრები- გიორგი გვარჯალაძე, გიორგი ჩახვაძე და ზურაბ კუკულავა ესწრებოდნენ.
რეზო კვაჭაძემ ისაუბრა კომისიებსა და ფრაქციაში წლის განმავლობაში გაწეული მუშაობის შესახებ და იმ მნიშვნელოვან სამართლებრივ აქტებზე გაამხვილა ყურადღება, რომლებიც საკრებულომ საანგარიშო პერიოდში დაამტკიცა.(ბიუჯეტი, სოც.პროგრამები და სხვ.).
,,წარმომადგენლობითი ორგანოს ფუნქციონირებაში ჩართვა ჩემთვის არ იყო მარტივი, იმ პასუხისმგებლობის გათავალისწინებით, რასაც იმ ადამიანების მიერ მონიჭებული მანდატი მაკისრებს.როგორც საკრებულოს წევრს შეხვედრები მქონდა ამომრჩევლებთან როგორც საკრებულოს ადმინისტრაციულ შენობაში, ასევე გასვლითი. მოთხოვნები ძირითადად შეეხებოდა სოციალურ დახმარებებს და ინფრასტრუქტურულ საკითხებს”, აღნიშნა მან.
საკრებულოს წევრის განცხადებით, მოსახლეობასთან ერთად აქტიურად განიხილავდა აზიურ ფაროსანასთან ბრძოლის საკითხებს და როგორც აღნიშნა, შეწამვლითი სამუშაოები 2018 წელს ოთხ ეტაპად ჩატარდა.
რაც შეეხება მიმდინარე წელს მიმდინარეობს წერტილოვანი შეწამვლა, ადმინისტრაციული ერთეულის ტერიტორიაზე განთავსებულია 130 ერთეული ე.წ. ,,მოიზიდე და მოკალი“ , რასაც მნიშვნელოვანი შედეგი აქვს.
მოსახლეობას ასევე ინფორმაცია მიაწოდეს ჩოჩხათის ადმინისტრაციულ ერთეულში განხორციელებულ პროექტებზე. დაიგო 955 მეტრი რკინა-ბეტონის გზის საფარი, მოეწყორკინა-ბეტონის არხები, მოიხრეშა შიდა სასოფლო გზები. დახმარება გაეწია მძიმე საცხოვრებელ პირობებში მყოფ და სტიქიის შედეგად დაზარალებულ ოჯახებს.
მაჟორიტარმა ამომრჩეველს 2019 წელს ჩოჩხათის ადმინისტრაციულ ერთეულში განხორციელებულ და მიმდინარე პროექტების შესახებაც მიაწოდა ინფორმაცია: დაწყებითი სკოლა შენდება სოფელ ჯიხანჯირში. სოფლის მხარდაჭერის პროგრამის ფარგლებში მიმდინარეობს გარე განათების მოწყობა და შიდა გზები მოწესრიგდება.
მოსახლეობის მხრიდან დაისვა პრობლემური საკითხები, სოფელ ჩოჩხათში 400 მეტრი ავარიული გზის მონაკვეთის, სუფსა-გულიანის დამაკავშირებელი გზის დაზიანებული მონაკვეთების აღგენა, ოდილაურსა და წიაღობანში ასვე შიდა გზების პრობლემის აღმოფხვრა, ჩოჩხათის სკოლასთან მისასვლელი გზის მონაკეთის შეკეთება.
როგორც საკრებულოს თავმჯდომარემ შეხვედრაზე განაცხადა, ჩოჩხათი- ჩანჩეთის დამაკავშირებუელ მონაკვეთზე ბეტონის საფარი დაიგება.
რეზო კვაჭაძემ მადლობა გადაუხადა მოსახლეობას ნდობისთვის და როგორც აღნიშნა, აქტიურად გააგრძელებს მუშაობას რომ სოფელი უფრო წარმატებული გახდეს.
