შობის დღესასწაულთან დაკავშირებით ტრადიციული ალილოს მსვლელობა მოეწყო.
ალილოს მონაწილეებმა მსვლელობა ჟორდანიას ქუჩიდან დაიწყეს. მათ შუხუთის წმინდა გიორგის ტაძრის წინამძღვარი დეკანოზი საბა, მრევლთან ერთად შეუერთდა.
-ყველას ვულოცავთ შობის ბრწყინვალე დღესასწაულს. დაე, ჩვენს გულებში შობილიყოს მაცხოვარი. მრავალს დაგასწროთ უფალმა – განაცხადა ივერიის ღვთისმშობლის ხატის სახელობის ტაძრის წინამძღვარმა, დეკანოზმა მირიანმა (ფირცხალაიშვილი).
შობის დღესასწაული მეალილოეებს მერისა და საკრებულოს თავმჯდომარის მოადგილეებმა, ეკატერინე გუჯაბიძემ და ვლადიმერ ნანაძემ მიულოცეს.
შეგროვილი ნობათი სოციალურად დაუცველ და შეჭირვებულ მოსახლეობას გადაეცემა.
