ლანჩხუთის მუნიციპალიტეტის საკრებულოში, საკრებულოს თავმჯდომარის, ბესიკ ტაბიძის ხელმძღვანელობით, ბიუროს სხდომა გაიმართა, რომელზეც 2025 წლის ბიუჯეტის ოქტომბრის თვის შესრულების ანგარიში განიხილეს.მერიის საფინანსო-საბიუჯეტო სამსახურის უფროსის როლან ლაშხიას განმარტებით, ოქტომბრის თვეში ბიუჯეტში მიღებულია 4 298 487 ლარი, მათ შორის შემოსავლების სახით 1 821 860 ლარი, გადასახადების სახით 1 304 934 ლარი.
მუნიციპალიტეტის მერმა, ალექსანდრე სარიშვილმა ბიუროს 2026 წლის ბიუჯეტის პარამეტრები გააცნო.
მომავალი წლის ბიუჯეტი წარმოდგენილი ვარიანტით 27 მილიონ 541 ათასი ლარით განისაზღვრა.
ბიურომ დაამტკიცა საკრებულოს და საკრებულოს მუდმივმოქმედი კომისიების 2026 წლის სამუშაო გეგმები.
ბიუროს სხდომაზე ასევე იმსჯელეს „ლანჩხუთის მუნიციპალიტეტის ქალისა და მამაკაცის თანასწორობისა და ბავშვთა საკითხებზე მომუშავე მუნიციპალური საბჭოს შექმნისა და მისი დებულების დამტკიცების შესახებ“ ლანჩხუთის მუნიციპალიტეტის საკრებულოს 2025 წლის 29 ივლისის N20 დადგენილებაში ცვლილების შეტანის თაობაზე“.
ბიუროს გადაწყვეტილების საკრებულოს მორიგი სხდომა 26 ნოემბერს გაიმართება.
