საკრებულოს რიგგარეშე სხდომაზე, რომელსაც საკრებულოს თავმჯდომარე ბესიკ ტაბიძე უძღვებოდა, „ლანჩხუთის მუნიციპალიტეტის საკუთრებაში არსებული წილის (ლანჩხუთის მუნიციპალიტეტის საკუთრებად რეგისტრირებული შპს „ფეხბურთის კლუბი – ლანჩხუთის გურია“- ს (ს/ნ 433651461) 100%-იანი წილი) პირობიანი ელექტრონული აუქციონის ფორმით პრივატიზებაზე მერისათვის თანხმობის მიცემის შესახებ“ იმსჯელეს.საკითხი საკრებულოს მერიის ქონების მართვისა და სოფლის მეურნეობის სამსახურის, ქონების მართვისა და სოფლის მეურნეობის განყოფილების უფროსის ვარდენ კვაჭაძემ გააცნო.
მომხსენებლის განმარტებით, ვინაიდან „ფეხბურთის კლუბი-ლანჩხუთის გურია“-ს მიმართ არსებობს ლანჩხუთის მოსახლეობის მაღალი საზოგადოებრივი ინტერესი, მიზანშეწონილად მიაჩნია, რომ ლანჩხუთის მუნიციპალიტეტის საკრებულომ განიხილოს და მიიღოს გადაწყვეტილება წილის პრივატიზების ძირითად პირობებთან დაკავშირებით.
საკრებულომ განკარგულების პროექტი უმრავლესობით დაამტკიცა.
საკრებულომ ასევე დაამტკიცა განკარგულების პროექტი „ლანჩხუთის მუნიციპალიტეტის ქონების საპრივატიზაციო ობიექტების ნუსხისა და ლანჩხუთის მუნიციპალიტეტის ქონების პრივატიზაციის გეგმის დამტკიცების შესახებ“ ლანჩხუთის მუნიციპალიტეტის საკრებულოს 2025 წლის 28 იანვრის N4 განკარგულებაში ცვლილების შეტანის თაობაზე“.
