დღეს, იურიდიულ საკითხთა და ეთიკის კომისიის სხდომაზე, თავმჯდომარე ვერიკო კვირკველიამ კომისიის წევრებთან ერთად მიმდინარე საკითხებზე იმსჯელა.
როგორც აღინიშნა, საკრებულოში გრიგოლეთის სანაპირო ზოლის განვითარებასთან დაკავშირებით, იქმნება დროებითი სამუშაო ჯგუფი ამირან გიგინეიშვილის ხელმძღვანელობით. ლანჩხუთის მუნიციპალიტეტის და საქართველოს სასოფლო დარბაზის ერთობლივმა პროექტმა, კერძოდ კი, გრიგოლეთის სანაპირო ქვიშის მაგნიტური ანომალიის დადასტურებამ, განუზომელად გაზარდა დასახლების სამკურნალო ტურიზმის პოტენციალი და შესაძლებლობები.
გამომდინარე აქედან, მიზანშეწონილია აღნიშნული ცვლილება აისახოს ,,2017- 2021 წლების გრიგოლეთის მდგრადი განვითარების ინტეგრირებული სტრატეგიულ გეგმაში“.
კომისიამ განიხილა ასევე საკითხები, რომლებიც საკრებულოს საფინანსო-საბიუჯეტო და ქონების მართვის კომისიების შემადგენლობის ცვლილებას გულისხმობს.
