ლანჩხუთის მუნიციპალიტეტში აქტიურად მიმდინარეობს გაზიფიცირების და წყალმომარაგების სამუშაოები.
წყალმომარაგების პროექტს საქართველოს გაერთიანებული წყალმომარაგების კომპანია ახორციელებს.
პროექტის თანახმად ჯურუყვეთის (ბაღლეფი, ჯურუყვეთი, ეწერი), ღრმაღელის (ომფარეთი, ღრმაღელე) , აკეთის ( ქ/აკეთი, გაგური, ჭანჭათი, ზ/აკეთი) ადმინისტრაციულ ერთეულებში და სოფელ წიაღობანში წყალმომარაგების სისტემების რეაბილიტაცია-მშენებლობის სამუშაოები მიმდინარეობს. პროექტის განხორციელების შედედაგ, 7 ათასზე მეტ ადამიანს მოუგვარდება წყლის პრობლემა. პროექტის ღირებულება 21 მლნზე მეტია. ამ დროისთვის, აღნიშნულ სოფლებში, სათავე ნაგებობების მშენებლობა და წყლის მილების მოწყობა მიმდინარეობს. რაც შეეხება გაზიფიცირებას, ამ დროისთვის სამუშაოები დაწყებულია ჩოჩხათის ადმინისტრაციულ ერთეულში. პროექტის ფარგლებში 16 სოფლის (ჯიხანჯირი, შრომისუბანი, ჩოჩხათი, მოედანი, ხორეთი, კოკათი, ნინოშვილი, ყელა, ხაჯალია, ნიგვზიანი, არჩეული, ჩანჩეთი, ჯურუყვეთი, ეწერი, ბაღლეფი, გულიანი) გაზიფიცირება იწყება. 2023 წლის ბოლოს ლანჩხუთის მუნიციპალიტეტის ყველა ადმინისტრაციული ერთეული სრულად იქნება გაზიფიცირებული. მიმდინარე სამუშაოები დღეს ლანჩხუთის მერმა ალექსანდრე სარიშვილმა დაათვალიერა.
