ლანჩხუთის მუნიციპალიტეტის მერი ალექსანდრე სარიშვილი მერიის სამსახურის ხელმძღვანელებს შეხვდა.
სამუშაო შეხვედრაზე მერმა გაწეული საქმიანობის შესახებ ინფორმაცია მოისმინა და ყურადღება გაამახვილა მიმდინარე ინფრასტრუქტურულ პროექტებზე. ასევე ისაუბრა მომავალი წლისთვის დაგეგმილ მნიშვნელოვან პროექტებზე.
შეხვედრაზე აღინიშნა, რომ საახალწლო დღეებში მუნიციპალიტეტში სხვადასხვა აქტივობაა დაგეგმილი. ხვალ, 18:00 საათზე, საქართველოს მთავრობის, კულტურის სამინისტროსა და სსიპ „შემოქმედებითი საქართველოს“ მხარდაჭერით, გაიმართება საახალწლო კონცერტი და ნაძვის ხის ანთების ცერემონია.
სამუშაო შეხვედრას ესწრებოდნენ მერის პირველი მოადგილე ეკატერინე გუჯაბიძე და მოადგილე თორნიკე ტიკაძე.
