ლანჩხუთის მუნიციპალიტეტის მერის პირველი მოადგილე, ეკატერინე გუჯაბიძე, მუზეუმების საერთაშორისო დღესთან დაკავშირებით გამართულ ღონისძიებებს დაესწრო.
ეგნატე ნინოშვილის სახელობის მუზეუმმა ნიგვზიანისა და ნინოშვილის საჯარო სკოლების მოსწავლეებს უმასპინძლა. მხარეთმცოდნეობის მუზეუმში გაიმართა ირაკლი მახარაძისა და ამავე მუზეუმის ავტორობით გამოცემული წიგნის ,,ლანჩხუთის ქრონიკების“ პრეზენტაცია, ღონისძიება ასევე ჩატარდა ვალოდია წულაძის სახელობის თეატრის მუზეუმში.
18 მაისი მუზეუმების საერთაშორისო დღეა. აღნიშნული თარიღი მუზეუმების საერთაშორისო საბჭომ (ICOM) 1977 წლის 18 მაისს დააწესა.
