ლანჩხუთის მუნიციპალიტეტის საკრებულოში თავმჯდომარის ბესიკ ტაბიძის ხელმძღვანელობით, ბიუროს სხდომა გაიმართა.ბიუროს სხდომას მუნიციპალიტეტის მერი ალექსანდრე სარიშვილი ესწრებოდა.
ბიურომ იმსჯელა პროექტებზე – ლანჩხუთის მუნიციპალიტეტის ტერიტორიაზე შინაური ბინადარი ცხოველების მოვლა-პატრონობისა და ყოლის წესის, ასევე – „ლანჩხუთის მუნიციპალიტეტის ქ. ლანჩხუთის ადმინისტრაციული ერთეულის საზღვრებში ავტოსატრანსპორტო საშუალებების პარკირების ადგილების, საფასურის, რეგულირების წესისა და საქართველოს ადმინისტრაციულ სამართალდარღვევათა კოდექსის 1254 პუნქტით გათვალისწინებული სამართალდარღვევისას საჯარიმო ქვითრის-ადმინისტრაციული სამართალდარღვევის ოქმის ფორმის დამტკიცების შესახებ.
სხდომაზე მხარი დაუჭირეს ლანჩხუთის მუნიციპალიტეტში 2026 წელს განსახორციელებელი ინფრასტრუქტურული პროექტების მოწონების თაობაზე განკარგულების პროექტს.
ბიურომ ასევე მხარი დაუჭირა ადმინისტრაციული წარმოების დაწყებას – ცალკეულ სამართალდარღვევაზე საჯარიმო ქვითრის – ადმინისტრაციული სამართალდარღვევის ოქმის ფორმის შედგენის, გამოყენებისა და აღრიცხვა-ანგარიშგების წესის დამტკიცების შესახებ.
ბიურომ მოისმინა და ცნობად მიიღო ლანჩხუთის მუნიციპალიტეტის 2026 წლის ბიუჯეტის პირველი კვარტლის და აპრილის თვის შესრულების ანგარიშები.
ბიუროს გადაწყვეტილებით, ლანჩხუთის მუნიციპალიტეტის საკრებულოს სხდომა 27 მაისს გაიმართება.
