დღეს, ლანჩხუთის მუნიციპალიტეტის საკრებულოს თავმჯდომარე ბესიკ ტაბიძემ ბიუროს წევრებთან სამუშაო შეხვედრა გამართა, სადაც პრობლემურ საკითხებზე და მათი გადაჭრის გზებზე იმსჯელეს. შეხვედრას მუნიციპალიტეტის მერი ალექსანდრე სარიშვილი ესწრებოდა.
ბესიკ ტაბიძემ ისაუბრა თურქეთის ქალაქ ერზრუმში ვიზიტზე. ,,გურიის სავაჭრო-სამრეწველო პალატის ორგანიზებით, გურიის რეგიონის დელეგაცია საერთაშორისო და საგამოფენო ცენტრ ,,ტუაფში“ ვიყავით მიწვეული, სადაც იყო გამოფენა, მშენებლობა-ინფრასტრუქტურის, დიზაინის და კეთილმოწყობის კუთხით. ვიზიტი მეტად მნიშვნელოვანია სამომავლო პარტნიორობისთვის, ვინაიდან გამოფენაში მონაწილეობას მსოფლიოს წამყვანი ორგანიზაციები, რომელთაც ასევე საქართველოშიც ჰყავთ წარმომადგენლები“ აღნიშნა თავმჯდომარემ.
შეხვედრაზე ბიუროს წევრებმა აზიურ ფაროსანასთან დაკავშირებულ პრობლემებზე, სოფლის მხარდაჭერისა და ინფრასტრუქტურული პროექტების მიმდინარეობაზე დასვეს შეკითხვები. საკითხთან დაკავშირებით მუნიციპალიტეტის მერმა განმარტებები გააკეთა.
