ლანჩხუთის მუნიციპალიტეტის საკრებულოში, თავმჯდომარის ბესიკ ტაბიძის ხელმძღვანელობით, ბიუროს სხდომა გაიმართა. სხდომაზე დარგობრივ კომისიებს დაევალათ დღის წესრიგით გათვალისწინებული საკითხების განხილვა და შესაბამისი დასკვნების მომზადება.ბიურომ იმსჯელა მუნიციპალიტეტის მერიის, საკრებულოს თანამდებობის პირთა და სხვა მოსამსახურეთა თანამდებობრივი სარგოების ოდენობების განსაზღვრისა და საშტატო ნუსხის დამტკიცების შესახებ დადგენილებების პროექტებზე.
სხდომაზე ასევე განხილულ იქნა 2026 წლის ბიუჯეტიდან სოციალური დახმარების გაცემისა და მიღების წესის დამტკიცების საკითხი, საქართველოს რეგიონული განვითარების სამინისტროსა და მუნიციპალიტეტს შორის უფლებამოსილების განხორციელების დელეგირების შესახებ ხელშეკრულების დამტკიცება, აგრეთვე „ლანჩხუთის მუნიციპალიტეტის 2026 წლის ბიუჯეტის დამტკიცების შესახებ“ ლანჩხუთის მუნიციპალიტეტის საკრებულოს 2025 წლის 24 დეკემბრის №26 დადგენილებაში ცვლილების შეტანა.
ბიურომ იმსჯელა ლანჩხუთის მუნიციპალიტეტში 2026 წელს განსახორციელებელი ინფრასტრუქტურული პროექტების მოწონების საკითხზეც და მათ მხარდაჭერა გამოუცხადა.
ბიუროს გადაწყვეტილებით, ლანჩხუთის მუნიციპალიტეტის საკრებულოს მორიგი სხდომა 20 იანვარს გაიმართება.
