ლანჩხუთის მუნიციპალიტეტის საკრებულოს სხდომა გაიმართა, რომელსაც საკრებულოს თავმჯდომარე ბესიკ ტაბიძე უძღვებოდა.
სხდომაზე დამტკიცდა მერიისა და საკრებულოს თანამდებობის პირთა და სხვა მოსამსახურეთა თანამდებობრივი სარგოების ოდენობებისა და საშტატო ნუსხის დადგენილებების პროექტები, ასევე 2026 წლის ბიუჯეტიდან სოციალური დახმარების გაცემისა და მიღების წესი. დეპუტატებმა იმსჯელეს საქართველოს რეგიონული განვითარების სამინისტროსა და მუნიციპალიტეტს შორის უფლებამოსილების განხორციელების დელეგირების შესახებ ხელშეკრულების დამტკიცების საკითხზეც.
საკრებულომ ასევე განიხილა 2026 წელს განსახორციელებელი ინფრასტრუქტურული პროექტები და პერსონალური ასისტენტის სერვისის პროგრამის დამტკიცების მიზნით ადმინისტრაციული წარმოების დაწყება, რომელთაც უმრავლესობით დაუჭირა მხარი.
სხდომას მუნიციპალიტეტის მერი ალექსანდრე სარიშვილი ესწრებოდა.
