საქართველოს პარლამენტის დეპუტატის ნინო წილოსანის ბიუროსა და „ახალგაზრდული პლათფორმის“ ინიციატივით, სკოლის ეზოებში ნერგები დაირგო. აქციას მუნიციპალიტეტის მერი ალექსანდრე სარიშვილი და საკრებულოს თავმჯდომარე ბესიკ ტაბიძე შეუერთდნენ. როგორც „ახალგაზრდული პლათფორმის“ წევრები აცხადებენ, მათ სკოლებში მაკულატურა შეაგროვეს და სხვადასხვა ჯიშის ნერგებზე გადაცვალეს. აქციაში მონაწილეობას პირველი და მესამე საჯარო სკოლის მოსწავლეებთან ერთად იოანე ნათლისმცემლის სახელობის სასულიერო გიმნაზიის აღსაზრდელები იღებდნენ.
