ლანჩხუთის მუნიციპალიტეტისა და საქართველოს წითელი ჯვრის საზოგადოების ურთიერთანამშრომლობის მემორანდუმის ფარგლებში ლანჩხუთს ჰუმანიტარული ამანათი გადაეცა. -პროდუქცია უსასიდლოდ გადმოგვცა კომპანია „ელსი ვაიკიკმა“. ძალიან მინდა ლანჩხუთსა და ლანჩხუთელებს დავეხმარო. განსაკუთრებით კი შეჭირვებულ მოსახლეობას – განაცხადა მუნიციპალიტეტის მერთან შეხვედრისას საქართველოს „წითელი ჯვრის“ ორგანიზაციის პრეზიდიუმის წევრმა, ლანჩხუთის წითელი ჯვრის ორგანიზაციის თავმჯდომარე ნატო ჟორდანიამ. დღესვე კომპანია „ელსი ვაიკიკის“ პროდუქცია ადმინისტრაციულ ერთეულებში მერის წარმომადგენლებს გადაეცა. მათი მეშვეობით წითელი ჯვრის საჩუქარს სოციალურად დაუცველი და მრავალშვილიანი ოჯახები მიიღებენ. გარდა ამისა, აღნიშნული ჰუმანიტარული ტვირთი დღის ცენტრ „იავნანას“ აღსაზრდელებსაც გადაეცათ.
