ლანჩხუთის მუნიციპალიტეტის საკრებულოში, საფინანსო-საბიუჯეტო კომისიის სხდომა გაიმართა, რომელსაც ალექსანდრე მახათაძე უძღვებოდა.
კომისიამ მუნიციპალიტეტის 2018 წლის ბიუჯეტის შესრულების ანგარიში და აუდიტორული შემოწმების დასკვნა მოისმინა. მერიის საფინანსო-საბიუჯეტო სამსახურის უფროსმა, როლანდ ლაშხიამ განმარტა, რომ 2018 წლის ბიუჯეტი განისაზღვრა 8757600 ლარით, საფინანსო წლის განმავლობაში დამტკიცებულ ბიუჯეტში განხორციელდა ათი ცვლილება და დაზუსტებულმა ბიუჯეტმა შეადგინა 20250615 ლარი. მუნიციპალიტეტის 2018 წლის ბიუჯეტის შემოსულობებმა 16984817 ლარი შეადგინა, რაც საპროგნოზო მაჩვენებლს 252207 ლარით აღემატება. წინა წელთან შედარებით (101,5%-ით), აქედან გრანტის სახით მიღებულია 13337218 ლარი, მათ შორის გათანაბრებითი ტრანსფერი 6238600 ლარი, წინა წელთან შედარებით 884400 ლარით მეტი, მიზნობრივი ტრანსფერი 220000 ლარი, საქართველოს რეგიონებში განსახორციელებელი პროექტების ფონდიდან გამოყოფილი თანხები 4515103 ლარი, მუნიციპალიტეტის ინფრასტრუქტურაზე სტიქიის შედეგად მიყენებული ზიანის სარეაბილიტაციო სამუშაოების დაფინანსებაზე 2262310 ლარი, ასევე სტიქიის სარეაბილიტაციო სამუშაოებზე საფინანსო წლის განმავლობაში მიმართულია, 2017 წელში ამ დანიშნულებით ჩამორიცხული 1259104 ლარი. სხდომაზე აუდიტის დასკვნა და რეკომენდაციებიც მოისმინეს.
საფინანსო კომისიამ მიმდინარე წლის ბიუჯეტში შესატანი ცვლილებების შესახებ იმსჯელა. ცვლლებები იხილეთ: https://bit.ly/2vkiJwu
