ლანჩხუთის მუნიციპალიტეტში ახალგაზრდული ფესტივალი გაიმართა.
ფესტივალს მუნიციპალიტეტის მერი ალექსანდრე სარიშვილი, გურიის მხარეში სახელმწიფო რწმუნებული გიორგი ღურჯუმელიძე, ახალგაზრდობის სააგენტოს ხელმძღვანელის მოვალეობის შემსრულებელი ვახტანგ ბააკაშვილი და რესურსცენტრის ხელმძღანელი ნინო ჩიტაძე დაესწრნენ.
ღონისძიების ფარგლებში ლანჩხუთის ცენტრალურ სკვერში მოეწყო ახალგაზრდა მხატვრების ნამუშევრების, ადგილობრივი ნაწარმისა და ხელნაკეთი ნივთების, ასევე მოტობაიკების გამოფენა. ფესტივალის მონაწილეებსა და სტუმრებს შესაძლებლობა ჰქონდათ გაცნობოდნენ ახალგაზრდული ორგანიზაციებისა და პროფესიული განათლების პროგრამების შესახებ საინფორმაციო კუთხეს.
დაჯილდოვდნენ პროექტის ტურნირების გამარჯვებული გუნდები და პოსტერების კონკურსში გამარჯვებული ახალგაზრდა.
პროექტი ახალგაზრდობის სააგენტოს ფინანსური მხარდაჭერითა და ლანჩხუთის მუნიციპალიტეტის მერიის ხელშეწყობით განხორციელდა.
საღამო მუსიკალურად DJ მიშა რობაქიძემ გააფორმა.
