ლანჩხუთის მუნიციპალიტეტის საკრებულოს სხდომა წუთიერი დუმილით დაიწყო, სადაც პატივი მიაგეს სრულიად საქართველოს კათოლიკოს-პატრიარქის, ილია II-ის ხსოვნას.
სხდომას თავმჯდომარე ბესიკ ტაბიძე უძღვებოდა.
საკრებულომ უმრავლესობით მხარი დაუჭირა პროექტებს – ადგილობრივი (ქონების) გადასახადის შემოღებისა და მისი განაკვეთების განსაზღვრის, აგრეთვე საკრებულოს რეგლამენტში ცვლილებების შეტანის თაობაზე და ქალთა და ბავშვთა საკითხებზე მომუშავე მუნიციპალური საბჭოს 2026 წლის სამოქმედო გეგმის დამტკიცებას.
მიღებულ იქნა განკარგულება „ლანჩხუთის მუნიციპალიტეტში სოფლის მხარდაჭერის პროგრამით 2026 წელს დასაფინანსებელი პროექტების ნუსხის დამტკიცების შესახებ“ და მხარდაჭერილი იქნა ადმინისტრაციული წარმოების დაწყება მერიის თანამშრომელთა თანამდებობრივი სარგოების, პარკირების წესებისა და სხვადასხვა პროგრამებიდან დაფინანსების გაცემის წესის დამტკიცების საკითხებზე.
