ლანჩხუთის მუნიციპალიტეტის საკრებულოში თავმჯდომარის ბესიკ ტაბიძის ხელმძღვანელობით, ბიუროს სხდომა გაიმართა.
ბიურომ იმსჯელა პროექტებზე – ადგილობრივი (ქონების) გადასახადის შემოღებისა და მისი განაკვეთების განსაზღვრის, აგრეთვე მერიის თანამშრომელთა თანამდებობრივი სარგოების, პარკირების წესებისა და მუნიციპალიტეტის საკუთრებაში არსებული უძრავი ქონების, ელექტრონული აუქციონის წესით, ვადიანი სასყიდლიანი სარგებლობის უფლებით გადაცემისას, ქონების ქირის საწყისი წლიური საფასურის ოდენობის განსაზღვრის შესახებ.
ბიურომ მოისმინა და ცნობად მიიღო ლანჩხუთის მუნიციპალიტეტის 2026 წლის ბიუჯეტის მარტის თვის შესრულების ანგარიში.
ბიუროს გადაწყვეტილებით, ლანჩხუთის მუნიციპალიტეტის საკრებულოს სხდომა 27 აპრილს გაიმართება.
