საქართველოს რეგიონული განვითარების მინისტრი კახაბერ გულედანი გურიის რეგიონში, მუნიციპალიტეტების გრძელვადიანი განვითარების სტრატეგიული დოკუმენტების განხილვას დაესწრო.
გურიის სახელმწიფო რწმუნებულის ადმინისტრაციაში გამართულ შეხვედრაზე რეგიონის მუნიციპალიტეტების ხელმძღვანელებმა გრძელვადიანი განვითარების სტრატეგიების პროექტები წარადგინეს.
მუნიციპალიტეტების მერებმა დეტალურად ისაუბრეს თითოეული მუნიციპალიტეტის განვითარების გრძელვადიან ხედვაზე, ძირითად მიზნებზე, ამოცანებზე და პრიორიტეტულ მიმართულებებზე.
მუნიციპალიტეტებში გრძელვადიანი განვითარების სტრატეგიის შემუშავება საქართველოს პრემიერ-მინისტრ ირაკლი კობახიძის დავალებით ხორციელდება. პროცესის კოორდინაციას რეგიონული განვითარების სამინისტრო ახორციელებს.
შეხვედრას ესწრებოდნენ გურიის მხარეში სახელმწიფო რწმუნებული გიორგი ღურჯუმელიძე, ლანჩხუთის მუნიციპალიტეტის მერი ალექსანდრე სარიშვილი, საკრებულოს თავმჯდომარე ბესიკ ტაბიძე, ასევე რეგიონული განვითარების სამინისტროსა და სახელმწიფო რწმუნებულის ადმინისტრაციის შესაბამისი სამსახურების წარმომადგენლები.
