დღეს ლანჩხუთის მუნიციპალიტეტის საკრებულოს სხდომა გაიმართა, რომელსაც საკრებულოს თავმჯდომარე ბესიკ ტაბიძე უძღვებოდა.სხდომაზე განიხილეს და უმრავლესობით მხარი დაუჭირეს დადგენილების პროექტებს –
ადგილობრივი (ქონების) გადასახადის შემოღებისა და მისი განაკვეთების შესახებ, ასევე ლანჩხუთის მუნიციპალიტეტის მერიის თანამშრომელთა თანამდებობრივი სარგოების დამტკიცების შესახებ.
სხდომაზე „ლანჩხუთის მუნიციპალიტეტის 2025 წლის ბიუჯეტის შესრულების ანგარიშის დამტკიცების შესახებ“ იმსჯელეს, რომელიც სხდომას მუნიციპალიტეტის მერმა, ალექსანდრე სარიშვილმა გააცნო.
საკრებულომ დაამტკიცა განკარგულების პროექტები: მუნიციპალიტეტის საკუთრებაში არსებული უძრავი ქონების, ელექტრონული აუქციონის წესით, ვადიანი სასყიდლიანი სარგებლობის უფლებით გადაცემისას, ქონების ქირის საწყისი წლიური საფასურის ოდენობის განსაზღვრის, ასევე – სასყიდლიანი სარგებლობის უფლებით გადაცემაზე მერისთვის თანხმობის მიცემის და ქალაქის ადმინისტრაციულ ერთეულში მდებარე საფო მგელაძის ქუჩაზე მიერთებული უსახელო გეოგრაფიული ობიექტებისთვის (შესახვევებისათვის) სახელის მინიჭების შესახებ.
სხდომაზე მხარი დაუჭირეს ადმინისტრაციული წარმოების დაწყებას: „ლანჩხუთის მუნიციპალიტეტის ტერიტორიაზე შინაური ბინადარი ცხოველების მოვლა-პატრონობისა და ყოლის წესის დამტკიცების შესახებ“.
