დღეს ლანჩხუთის მუნიციპალიტეტის საკრებულოს რიგგარეშე სხდომა გაიმართა, რომელსაც საკრებულოს თავმჯდომარე ბესიკ ტაბიძე უძღვებოდა.სხდომაზე განიხილეს და უმრავლესობით მხარი დაუჭირეს ადმინისტრაციული წარმოების დაწყებას მერიის საშტატო ნუსხის დამტკიცებისა და მერიის თანამდებობის პირთა და სხვა მოსამსახურეთა თანამდებობრივი სარგოების ოდენობების განსაზღვრის შესახებ.
ადმინისტრაციული წარმოება დაიწყო ლანჩხუთის მუნიციპალიტეტის მერიის დებულების და მერიის სხვა სამსახურების დებულებების დამტკიცების შესახებ.
სხდომაზე იმსჯელეს და ასევე, ადმინისტრაციული წარმოების დაწყებას დაუჭირეს მხარი – ა(ა)იპ-ის „ლანჩხუთის მუნიციპალური ინსპექციის“ დაფუძნებაზე მერისთვის თანხმობის მიცემისა და არასამეწარმეო (არაკომერციული) იურიდიული პირის „ლანჩხუთის მუნიციპალური ინსპექციის“ მშენებლობის საჯარო ზედამხედველობის განმახორციელებელ ადმინისტრაციული ორგანოდ განსაზღვრის შესახებ“, ასევე ა(ა)იპ-ის „ლანჩხუთის მუნიციპალური ინსპექციის“ მიერ ადმინისტრაციული სამართალდარღვევის და სამშენებლო სამართალდარღვევის საქმის ადმინისტრაციული წარმოებისას გამოსაყენებელი დოკუმენტების ფორმებისა და აღრიცხვა-ანგარიშგების წესის დამტკიცების შესახებ“.
