,,ეს ჩემი ლანჩხუთია!“

ფოტოკონკურსში მონაწილეობის უფლება აქვთ ლანჩხუთის მუნიციპალიტეტში მცხოვრებ ფიზიკურ პირებს 16 წლის ასაკიდან – პროფესიონალ და მოყვარულ ფოტოგრაფებს;

ფოტოკონკურსში მონაწილეობისთვის არ დაიშვებიან ავტორთა კოლექტივები, ფოტოსტუდიები, რედაქციები, ასევე სხვა გაერთიანებები და ორგანიზაციები.

ფოტოკონკურსში მონაწილეობა ნიშნავს ავტორის თანხმობას, გამოყენებულ იქნას მისი ნამუშევარი არაკომერციული მიზნებისთვის;

ფოტოკონკურსი ჩატარებულად ჩაითვლება არანაკლებ სამი კონკურსანტის მონაწილეობის შემთხვევაში;

საკონკურსო ფოტო გადაღებული უნდა იყოს კონკურსის ჩატარებამდე არაუგვიანეს 1 წლისა;

კონკურსანტმა უნდა გადმოსცეს ,,ამბავი ერთ კადრში“ – ერთი ფოტოს საშუალებით სრულყოფილი ისტორიის, ემოციის ან იდეის გადმოცემა, სადაც თითოეული დეტალი ერთიანდება და ქმნის ძლიერ ვიზუალურ გარემოს, რომელიც მაყურებელთან სიტყვების გარეშე ამყარებს კავშირს და ქმნის უდიდეს შთაბეჭდილებას;

ფოტოკონკურსში წარმოდგენილი უნდა იყოს 1 (ერთი)ფოტო;

საკონკურსო ფოტო შესაძლებელია წარმოდგენილი იყოს სხვადასხვა ჟანრში; (არქიტექტურა, პეიზაჟი, პორტრეტი, ჟანრული ფოტოგრაფია, ფოტორეპორტაჟი).

ფოტოკონკურსში წარმოდგენილი ფოტოების საავტორო უფლება უნდა ეკუთვნოდეს იმ პიროვნებას, ვისი სახელითაც წარდგენილი იქნება ნამუშევარი კონკურსში მონაწილეობისთვის;

განაცხადები მიიღება, მიმდინარე წლის 19 აგვისტოდან – 10 სექტემბრის ჩათვლით

ფოტოკონკურსში მონაწილეებმა უნდა წარმოადგინონ ციფრული ფაილები ( jpg ფაილში, როგორც დამუშავებული კადრები, ასევე მათი ორიგინალიც, პლაგიატის თავიდან აცილების მიზნით – ჟიურის მოთხოვნის შესაბამისად). ფაილები განაცხადთან ერთად უნდა გამოიგზავნოს ელ.ფოსტაზე mtiebi2021@gmail.com

გამოსაგზავნი ფაილის მინიმალური მოცულობა – 8 ( რვა)MB და ზემოთ;

ფოტოკონკურსის ფარგლებში დაჯილდოების დღეს გაიმართება ფოტოგამოფენა, სადაც გამოიფინება კონკურსში გამარჯვებული ნამუშევრები და საუკეთესო ფოტოები.

კონკურსანტების ნამუშევარს უნდა ერთვოდეს განცხადება, პირადობის მოწმობის ასლი (არასრულწლოვანის შემთხვევაში დაბადების მოწმობის ასლი) საკონტაქტო ინფორმაცია, ტელ. ნომერი და ელ.ფოსტა;

საკონკურსო განაცხადი მიღებულად ჩაითვლება, ორგანიზატორის დადასტურების მიღების შემთხვევაში, მითითებულ ელ.ფოსტაზე;

გამარჯვებულებს გამოავლენს კომპეტენტური ჟიური საკონკურსო ნამუშევრების მიღების დასრულებიდან, 5 დღის ვადაში;

ფოტოკონკურსში გამარჯვებულებს გადაეცემათ : ფულადი ჯილდო, პრიზი და ფასიანი საჩუქარი;

გამოფენისთვის შერჩეული ფოტოების დაბეჭდვას, ფოტოკონკურსში შემოსული ელექტრონული ფაილების საფუძველზე, უზრუნველყოფს კონკურსის ორგანიზატორი;

კონკურსის მხარდამჭერი შეიძლება იყოს ნებისმიერი ფიზიკური და იურიდიული პირი, რისთვისაც იგი მუნიციპალიტეტის მერიას აწვდის ინფორმაციას, მხარდაჭერის შესახებ;

ფოტოკონკურსის ჩატარების ადგილია – ქალაქ ლანჩხუთის მუნიციპალიტეტის მერია. მ.კოსტავას ქ. N 37