დღეს, ლანჩხუთის მუნიციპალიტეტის საკრებულოს სხდომა გაიმართა, რომელსაც ბესიკ ტაბიძე უძღვებოდა. სხდომაზე დღის წესრიგით განსაზღვრული შვიდი საკითხი განიხილეს.
განკარგულებით დამტკიცდა, ლანჩხუთის მუნიციპალიტეტის საკრებულოს გამოკლებული წევრის ადგილმონაცვლის- ვენე კვირკველიას უფლებამოსილება.
საკრებულომ მხარი დაუჭირა ლანჩხუთის მუნიციპალიტეტის 2019 წლის ბიუჯეტში შესატან ცვლილებას. იგეგმება სტიქიის შედეგად დაზიანებული ჯურუყვეთის ადმინისტაციული შენობის რეაბილიტაცია რისთვისაც, მთავრობის განკარგულებით, 110000 ლარი გამოიყო. საქართველოს რეგიონებში განსახორციელებელი პროექტების ფონდიდან ლანჩხუთის მუნიციპალიტეტს გამოეყო 499402 ლარი, თანადაფინანსება შეადგენს 37591 ლარს, სულ პროექტების ღირებულება -536993 ლარს, რომელიც მიიმართება ქალაქ ლანჩხუთში შიდა გზებზე რკინა -ბეტონის სანიაღვრე არხების მოწყობის სამუშაოების დასაფინანსებლად.
ცვლილების მიხედვით, ქალაქის ადმინისტრაციულ ერთეულში მოეწყობა რკინა- ბეტონის სანიაღვრე არხები (895754 ლარი), მამათის, ჩიბათის, მაჩხვარეთის, აცანის, შუხუთის, ღრმაღელის, გვიმბალაურის, ჩოჩხათისა და ნინოშვილის ადმინისტრაციულ ერთეულებში გზის სარეაბილიტაციო სამუშაოები ჩატარდება (957874 ლარი), ბავშვთა საფეხბურთო სკოლის ეზოს ინფრასტრუქტურა მოწესრიგდება (1036231 ლარი).
ინფრასტრუქტურული პროექტების განხორცილების შედეგად დარჩენილი ეკონომიიდან 52795 ლარი მიიმართება სოფელ გვიმბალაურში საჭიდაო დარბაზის სახურავისა და გარე ფასადის შეკეთებაზე და 22438 ლარი სტიქიის შედეგად დაზიანებული ობიექტების საპროექტო-სახარჯთაღრიცხვო დოკუმენტაციის შედგენის დასაფინანსებლად.
საქართველოს მთავრობის განკარგულების საფუძვლეზე, საჯარო სკოლების მოსწავლეთა ტრანსპორტირებით უზრუნველყოფაზე მიიმართება 248401 ლარი. იზრდება განათლების ღონისძიებების ხარჯი 1600 ლარით, ა(ა)იპ სარეაბილიტაციო ცენტრ ,,იავნანას“ (წერილის საფუძველზე) დამატებით გამოეყო 500 ლარი. ამ და სხვა ცვლილებების შესაბამისად, ბიუჯეტში ცვლილებები განხორციელდება. (იხ: https://bit.ly/2ws5ZnR)
საკრებულოს გადაწყვეტილებით, მერს მიეცა თანხმობა მუნიციპალიტეტის საკუთრებაში არსებული უძრავი ქონების, სსიპ „ვეტერანების საქმეთა სახელმწიფო სამსახური“სთვის პირდაპირი განკარგვის წესით, სარგებლობის უფლებით, უსასყიდლოდ გადაცემაზე.
ცვლილება შევიდა 2019 წლის 25 აპრილის N22 განკარგულებაში , „ლანჩხუთის მუნიციპალიტეტის სოფელ გრიგოლეთში სანაპირო ზოლის განვითარებასთან დაკავშირებით დროებითი სამუშაო ჯგუფის შექმნისა და შემადგენლობის დამტკიცების შესახებ“ . სამუშაო ჯგუფის შემადგენლობას საკრებულოს წევრი, კახა თედორაძე დაემატა.
დღის წესრიგით განსაზღვრულ სამ საკითხზე საკრებულომ საჯარო ადმინისტრაციული წარმოება დაიწყო.
საკრებულოს სხდომაზე ასევე სხვადასხვა მიმდინარე და მნიშვნელოვან საკითხებზე იმსჯელეს, საკრებულოს წევრების შეკითხვებს, მუნიციპალიტეტის მერი ალექსანდრე სარიშვილი პასუხობდა.
ვრცლად სხდომის შესახებ იხილეთ პირდაპირი ტრანსლაციის ჩანაწერი: https://bit.ly/2Km2o2K
#გურია2019 #ლანჩხუთი2019 #საკრებულოსსხდომა
