ლანჩხუთის მუნიციპალიტეტის საკრებულოს წევრმა, ნინოშვილის ადმინისტრაციული ერთეულის მაჟორიტარმა, დავით ჩხარტიშვილმა ამომრჩევლებს 2018 წელს გაწეული მუშაობის შესახებ ანგარიში წარუდგინა.
,,აქტიურად ვიყავი ჩართული საკრებულოს, კომისიებისა და ფრაქციის მუშაობაში, სადაც განხილულ-დამტკიცებული იქნა სხვადასხვა სამართლებრივი აქტი. როგორც იცით, გადაწყვეტილებები კოლეგიურ ორგანოში მიიღება მოსახლეობის ინტერესებოდან გამომდინარე, სწორედ ამ პრინციპების დაცვით ვიმუშავე ჩემს კოლეგებთან ერთად 2019 წლის მთავარ საფინანსო დოკუმენტზე, რომელშიც ასახულია როგორც განსახორციელებელი ინფრასტრუქტურული პროექტები, ასევე სხვადასხვა საჭიროების სოციალური პროგრამები. ყველა საკითხი, რომელიც მოსახლეობას აწუხებდა და პრობლემურია საკრებულოს სხდომებზე ვაყენებდი. თუმცა, დღემდე რჩება ბევრი ისეთი საკითხი გადასაჭრელი, რომელთაც მოქალაქეები ჩემთან ყოველდღიურ კომუნიკაციისას აჟღერებენ“, აღნიშნა საკრებულოს წევრმა.
დავით ჩხარტიშვილმა მუნიციპალიტეტის სოციალურ პროგრამებზე ისაუბრა და აღნიშნა, რომ საანგარიშო პერიოდში არაერთ მოქალაქეს გაეწია მის მიერ შუამდგომლობა მედიკამენტებისა თუ საოპერაციო ხარჯებით დახმარების პროგრამის ფარგლებში.
საკრებულოს წევრმა საანგარიშო პერიოდში ნინოშვილის ადმინისტრაციულ ერთეულში განხორციელებულ პროექტებზე ისაუბრა და ასევე აღნიშნა, რომ სოფლის მხარდაჭერის პროგრამის ფარგლებში წელს გაკეთდება გარე განათება, შემოიღობება საბავშვო ბაღის ეზო და გარე ინვენტარიც მოეწყობა.
ადგილობრივების მხრიდან მთავარ პრობლემად მიგრაცია და უმუშევრობა დასახელდა.
შეხვედრას საკრებულოს სივრცით-ტერიტორიული დაგეგმარებისა და ინფრასტრუქტურის კომისიის თავმჯდომარე გიორგი გვარჯალაძე და საკრებულოს წევრი ლელა ჩახვაძე ესწრებოდნენ.
#გურია2019 #ლანჩხუთი2019 #ნინოშვილი
