სოფელ ხორეთის ამომრჩეველმა ანგარიში მოისმინა

7 ივნისს, ლანჩხუთის მუნიციპალიტეტის საკრებულოს წევრი რევაზ კვერენჩხილაძე სოფელ ხორეთის ამომრჩეველს შეხვდა და მის მიერ გაწეული მუშაობის შესახებ ანგარიში წარუდგინა. რევაზ კვერენჩხილაძემ ისაუბრა კომისიებსა და ფრაქციაში წლის განმავლობაში გაწეული მუშაობის შესახებ და იმ მნიშვნელოვან სამართლებრივ აქტებზე გაამხვილა ყურადღება, რომლებიც საკრებულომ საანგარიშო პერიოდში დაამტკიცა: მუნიციპალიტეტის 2019 წლის ბიუჯეტი, ლანჩხუთის მუნიციპალიტეტის 2019 წლის სოციალური პროგრამები, მისი გაცემისა და მიღების წესი, ლანჩხუთის მუნიციპალიტეტში გადაუდებელი ამბულატორიული მომსახურებების მიწოდების მიზნით 2019 წელს განსახორციელებელი საჯარო შენობების მშენებლობა/რეაბილიტაციის პროექტები და ა.შ.

შეხვედრაზე მოსახლეობის მხრიდან დაისვა პრობლემური საკითხები: სასმელი წყლის პრობლემა (როგორც აღნიშნეს, სათაო ნაგებობის გაწმენდა შეუძლებელია), ხორეთში საფეხმავლო ხიდის რეაბილიტაცია, გარე განათების მოწყობა დარჩენილ უბნებში, სოფლის სასაფლაოს გამაგრებითი სამუშაოები, შინმოუსვლელთა ძეგლის რეაბილიტაცია, მოედნის გზასთან დამაკავშირებელ მონაკვეთზე ცხაურის მოწყობა, უდაბნოს უბანში მისასვლელის მოწყობა, ვინაიდან აღნიშნული ადგილი ისტროიული და ტურისტული თვალსაზრისით მნიშვნელოვანია მუნიციპალიტეტისთვის.

საკრებულოს წევრმა მოსახლეობას მიაწოდა ინფორმაცია, რომ სოფელ ხორეთში პრობლემურ მონაკვეთზე 500 მ სიგრძის რკინა-ბეტონის გზა დაიგება. რაც შეეხება აზიურ ფაროსანას წინააღმდეგ გასატარებელ ღონისძიებებს, მოსახლეობის თხოვნა გათვაისწინებული იქნება და თერმული შეწამვლა დასახლეოულ ადგილებში არ განხორციელდება, ხოლო საყანე ფართობები ტრაქტორებით შეიწამლება.

რევაზ კვერენჩხლაძემ მადლობა გადაუხადა მოსახლეობას და აღნიშა, რომ აქტიურად გააგრძლებს მუშაობას მისი სადეპუტატო უფლებამოსილების პერიოდში მუნიციპალიტეტის მოსახლეობის პრობლემური საკითხების გადასაჭრელად.

#გურია2019 #ლანჩხუთი2019 #ხორეთი #შეხვედრაამომრჩეველთან

Share:

კომენტარის დატოვება