ჯურუყვეთის მოსახლეობამ ანგარიში მოისმინა

საკრებულოს წევრებმა ისაუბრეს კომისიებსა და ფრაქციაში წლის განმავლობაში გაწეული მუშაობის შესახებ და იმ მნიშვნელოვან სამართლებრივ აქტებზე გაამხვილეს ყურადღება, რომლებიც საკრებულომ საანგარიშო პერიოდში დაამტკიცა.

როგორც საკრებულოს წევრებმა აღნიშნეს, შეხვედრები ჰქონდათ ამომრჩეველთან, ისმენდნენ მათი პრობლემების შესახებ და კომპეტენციის ფარგლებში უწევდნენ დახმარებას. საანგარიშო პერიოდში დახმარება გაეწია არაერთ მოქალაქეს სამკურნალო და საოპერაციო , მედიკამენტების, მძიმე საცხოვრებელ პირობებში მყოფი ოჯახების ერთჯერადი დახმარების პროგრამის ფარგლებში. 2018 წლის 30 ნოემბრის სტიქიის შედეგად დაზარალებულ 21 ოჯახს გადაეცა სამშენებლო მასალა( სახლის სახურავი).
ასევე ყურადღება გაამახვილეს ჯურუყვეთის ადმინისტრაციულ ერთეულში განხორციელებულ ინფრასტრუქტურულ პროექტებზე, რომელიც განხორციელდა, როგორც საქართველოს მთავრობის ასევე ლანჩხუთის მუნიციპალიტეტის მერიის მხარდაჭერით.

კვაჭაძეების უბანში განხრციელდა გზის რეაბილიტაცია, რომელიც მოწყვეტილი იყო გარე სამყაროს და ღირებულება 18 000 ლარს შეადგენს. ეწერში, ჯურუყვეთსა და ბაღლეფში გაკეთდა გარე განათების ახალი ბოძები და სანათები, ჯურუყვეთის ადმინისტრაციულ ერთეულში განხორციელდა 225 256 ლარის ღირებულების წყლის პროექტი, რომელიც მოიცავს 214 ოჯახს. თუმცა, მოსახლეობის ძირითად პრობლემად მაინც წყლის საკითხი დგას. რამდენიმე უბანს წყალი არ მიეწოდება, დაზიანებულია წყლის სათავე ნაგებობა. საკრებულოს თავმჯდომარე ბესიკ ტაბიძე და საკრებულოს წევრები მოსახლეობას პრობლემის გადაჭრას დაჰპირდნენ.

საკრებულოს წევრებმა მადლობა გადაუხადა მოსახლეობას და როგორც აღნიშნეს, გააგრძელებენ აქტიურ მუშაობას საკრებულოსთან, მუნიციპალიტეტის მერიასთან და სოფლის ამომრჩევლებთან.

#გურია2019
#ლანჩხუთი2019
#ჯურუყვეთი
#შეხვედრაამომრჩეველთან