ციცინო ჩხაიძე ამომრჩეველს შეხვდა

ადგილობრივი თვითმართველობის კოდექსითა და საკრებულოს რეგლამენტით განსაზღვრული უფლებამოსილების ფარგლებში, საკრებულოს წევრი ციცინო ჩხაიძე ამომრჩეველს შეხვდა და 2018 წლის მუშაობა შეაჯამა.

შეხვედრას საკრებულოს თავმჯდომარის მოადგილე ვლადიმერ ნანაძე დაესწრო, რომელმაც აღნიშნა, რომ საკრებულოს წევრი წელიწადში ერთხელ ვალდებულია, ამომრჩეველს  მისი საქიანობის შესახებ  ინფორმაცია მიაწოდოს.

,,ჩემი უფლებამოსილების განხორციელება დავიწყე იმ პრობლემებზე ზრუნვით, რომელიც გამოიკვეთა შეხვედრების დროს და მოგვაწოდა ამომრჩეველმა – ეს იყო ქუჩების მოწესრიგება, მოასფალტება, საცხოვრებელი სახლების სახურავების შეკეთება, აღდგენა და გადახურვა, სპორტული მოედნების და სხვა სახის ობიექტების მოწყობა, დასუფთავების ეფექტიანი მართვა, წყალმომარაგების ქსელის გაფართოება, მძიმე საცხოვრებელ პირობებში მყოფი ადამიანების დახმარება, სოციალურ სააგენტოსთან შუამდგომლობა შემწეობის დანიშვნისა და მოხსნის შესახებ”, აღნიშნა ციცინო ჩხაიძემ.

2018 წლიდან არის მუნიციპალიტეტის გენდერული თანასწორობის საბჭოს თავმჯდომარე და ჩართულია ყველა იმ ტრენინგ-სემინარებში, რომლებიც  ეხებოდა ოჯახში ძალადობის საკითხებს, გენდერული თანასწორობის საბჭოს საქმიანობის ძირითად მიმართულებებს,  საკანონმდებლო ცვლილებებსა და  ინიციატივებს,  2018-2020 წლების საბჭოს სამოქმედო გეგმის ძირითად პრიორიტეტებს.

საანგარიშო პერიოდში გენდერულ საბჭოში  იხილავდნენ  მნიშვნელოვან საკითხებს, იმსჯელეს  ყოფილი სკოლა-ინტერნატის შენობაში  თავშესაფრის გახსნის საკითხთან დაკავშირებით.

როგორც ციცინო ჩხაიძემ აღნიშნა, მონაწილეობა მიიღო თბილისში  პირველ ეროვნულ კონფერენციაში- „გენდერული თანასწორობა ადგილობრივ თვითმმართველობაში – გამოწვევები და შესაძლებლობები“.   შეხვედრის მიზანს წარმოადგენდა, ერთი მხრივ, გენდერული თანასწორობის სფეროში მუნიციპალიტეტებს შორის კოორდინირებული მუშაობის ხელშეწყობა და მეორე მხრივ, თვითმმართველობის ორგანოებსა და ეროვნულ ხელისუფლებას შორის ერთიანი ხედვის ჩამოყალიბება.

საბჭომ  სხვადასხვა საქველმოქმედო ღონისძიებებში მიიღო მონაწილეობა, მისი ინიციატივით და საკრებულოს წევრების ჩართულობით საჩუქრები გადაეცათ დღის ცენტრ „იავნანას“ აღსაზრდელებს,  შშმ პირების უფლებათა დაცვის დღესთან დაკავშირებით, შეზღუდული შესაძლებლობების მქონე პირებს გადავეცით ცურვისთვის საჭირო აღჭურვილობა.

,,ჩემი მიზანია ქალთა ფორუმის და სხვა არასამთავრობო ორგანიზაციის  მხარდაჭერით, ჩემს მუნიციპალიტეტში გავხსათ სოციალური საწარმო, რომელიც იქნება დასაქმების ობიექტი, მოსახლეობის საკეთილდღეოდ”, აღნიშნა საკრებულოს წევრმა.

მან მადლობა მადლობა თანადგომისთვის ლანჩხუთის მუნიციპალიტეტის მოსახლეობას, ლანჩხუთის მუნიციპალიტეტის საკრებულოს თავმჯდომარეს, კოლეგებს და  საკრებულოს აპარატს.

#გურია2019  #ლანჩხუთი2019  #წლისანგარიში2018

Share:

კომენტარის დატოვება