დღეს ლანჩხუთის მუნიციპალიტეტის მერმა, ალექსანდრე სარიშვილმა, მერის თანაშემწე თორნიკე ტიკაძემ და სოციალური და ჯანდაცვის სამსახურის უფროსმა, თამარ ფირცხალაიშვილმა სააღდგომოდ, მუნიციპალიტეტის რამდენიმე ადმინისტრაციულ ერთეულში, 10 სოციალურად დაუცველ, უკიდურესად შეჭირვებულ და მრავალშვილიან (ხუთი და მეტი 18 წლამდე ასაკის შვილი) ოჯახს საჩუქრები გადასცეს. მათ ადგილებზე შესაბამის ადმინისტრაციულ ერთეულებში მერის წარმომადგენლებიც შეუერთდნენ. თითოეულ ოჯახს საკვები პროდუქტი, ტკბილეულობა, პასქები და ლიმონათები დაურიგდათ. “დიდი მადლობა თქვენ, რომ არ გავიწყდებით და ჩვენი პატარები ამ სააღდგომოდაც გაახარეთ. ბედნიერი აღდგომა გაგთენებოდეთ” – ასე დალოცა ერთ-ერთმა ბენეფიციარმა სტუმრები. თავის მხრივ, ალექსანდრე სარიშვილი თითოეულ
ოჯახს შესაძლებლობებიდან გამომდინარე, დახმარებასა და თანადგომას დაპირდა.
