2 აპრილს აუტიზმის შესახებ ცნობიერების ამაღლების მსოფლიო დღე აღინიშნება.
ქვეყნის მასშტაბით დაგეგმილ აქციებს ლანჩხუთის მუნიციპალიტეტიც შეუერთდა.
ა(ა)იპ “პროგრესის ვექტორის” მიერ, ორგანიზაციის ოფისში, ამ დღისადმი მიძღვნილი ფილმის ჩვენება და დისკუსია გაიმართა, რომელსაც ლანჩხუთის მუნიციპალიტეტის მერიის კულტურის, განათლების, სპორტისა და ახალგაზრდულ საქმეთა სამსახურის უფროსი, ია ჩხაიძე, საკრებულოს თავმჯდომარის მოადგილე, ვლადიმერ ნანაძე, გენდერული თანასწორობის საბჭოს თავმჯდომარე, ციცი ჩხაიძე და აღნიშნული სამსახურის თანამშრომლები ესწრებოდნენ.
შეხვედრაზე ასევე იმყოფებოდნენ მედიკოსები, რესურს-ცენტრისა და სააღმზრდელო ცენტრის თანამშრომლები, აუტისტი ბავშვების მშობლები.
გამოითქვა მოსაზრება, რომ ადგილობრივმა ხელისუფლებამ უნდა შეიმუშავოს პროგრამა ასეთი ბავშვების დასახმარებლად.
სტუმრებმა დიდი ინტერესით მოისმინეს სპეციალისტთა და მშობელთა აზრი.
ღონისძიება წარიმართა მერიის კულტურის, განათლების, სპორტისა და ახალგაზრდულ საქმეთა სამსახურის მხარდაჭერით.
