ლანჩხუთის მუნიციპალიტეტის საკრებულოს წევრი, მამათის მაჟორიტარი ოთარ პატიეშვილი ამომრჩეველს შეხვდა და გასული წლის მუშაობა შეაჯამა.
შეხვედრას საკრებულოს თავმჯდომარის მოადგილე ვლადიმერ ნანაძე დაესწრო, რომელმაც აღნიშნა, რომ ადგილობრივი თვითმართველობის კოდექსითა და საკრებულოს რეგლამენტით განსაზღვრული უფლებამოსილების ფარგლებში, საკრებულოს წევრი ვალდებულია მოსახლეობას გაწეული მუშაობის შესახებ ინფორმაცია მიაწოდოს.
ოთარ პატიეშვილმა საანგარიშო პერიოდში განხორციელებულ ინფრასტრუქტურაზე ისაუბრა:
ზემო მამათში რამდენიმე მონაკვეთზე მოეწყო რკინა-ბეტონის გზა, აღდგა დაზიანებული შიდა გზები, კონჭკათში აღდგა მისასვლელი გზა, ასევე, ხაშიას უბანში აღდგა საყანე ფართობებთან მისასვლელი ხიდი, მოეწყო ყორე-ქვის გაბიონები შათირის უბანში, აღდგა დაზიანებული სანიაღვრე არხები.
საანგარიშო პერიოდში მამათის ადმინისტრაციულ ერთეულში სტიქიის შედეგად დაზარალებული 13 ოჯახა გადაეცა სახლის სახურავის საჭირო სამშენებლო მასალა. მაჟორიტარის მხრიდან შუამდგომლობა გაეწია მოქალაქეებს მედიკამენტების შეძენისა და ბიკარბონატული ჰემოდიალიზით-თირკმლის ქრონიკული უკმარისობით დაავადებულთა სამედიცინო დაწესებულებაში ტრანსპორტირების დაფინანსების პროგრამებით.
ოთარ პატიეშვილმა 2019 წელს სოფლის მხარდაჭერის პროგრამის ფარგლებში განხორციელებულ სამუშაოებზეც ისაუბრა, რომლის ფარგლებში შემოიღობა სასაფლაო, მოეწყო სანიაღვრე არხები და ცხაურები, რკინა-ბეტონის გზა დაიგო კონჭკათში და მამათში მოიხერეშა შიდა გზები.
საკრებულოს წევრმა გაზიფიცირებასთან დაკავშირებით აღნიშნა, რომ დასრულდა დაპროექტება და დაქსელვითი სამუშაოები მიმდინარეობს. 2020 წლისთვის მამათი გაზიფიცირდება.
მოსახლეობამ შეხვედრაზე ძირითად პრობლემად მდინარე სუფსაზე გასასვლელი ხიდის აღდგენა -რეაბილიტაცია დაასახელა, რომლის გარეშე საყანე ფართობებთან დაკავშირება ვერ ხერხდება.
ვრცლად ანგარიშის შესახებ იხილეთ ანგარიშის სრული ტექსტი: http://lanchkhuti.gov.ge/
