უახლოეს ხანებში ქალაქ ლანჩხუთის 12 ქუჩაზე დასრულდება რკინა-ბეტონის სანიაღვრე არხების მოწყობა და ქუჩების მოხრეშვითი სამუშაოები.
სტიქიის პრევენციის მიზნით გამოყოფილი თანხებიდან ხსენებული არხები კეთდება ქალაქის სამ ქუჩაზე: მარჯანიშვილის, გოგიჩაიშვილისა და ურუშაძის ქუჩებზე, სამუშაოების ღირებულება 536 993 ლარს შეადგენს. სამუშაოებს შპს “პალადა” ასრულებს.
დანარჩენ ცხრა ქუჩაზე რკინა-ბეტონის არხებს შპს “Georgian Build”-ი აგებს. ეს ქუჩებია: ებრალიძის, მშვიდობის, გურიელის, გურიის, წმინდა ნინოს შესახვევი, ბაგრატიონის ჩიხი, თავისუფლების შესახვევი, ბარათაშვილის ჩიხი, წმინდა ნინოს შესახვევი (წილოსნების უბანი). ამ სამუშაოების ღირებულება 887 755 ლარია.
აღნიშნული ქუჩები დღეს მუნიციპალიტეტის მერმა, ალექსანდრე სარიშვილმა და პირველმა მოადგილემ, ბიძინა იმნაიშვილმა დაათვალიერეს. მოსახლეობამ მერს მადლობა გადაუხადა ყურადღებისა და გულისხმიერებისათვის.
