დღეს ლანჩხუთის მუნიციპალიტეტის მერმა, ალექსანდრე სარიშვილმა, პირველ მოადგილესთან, ბიძინა იმნაიშვილთან ერთად სუფსის ადმინისტრაციულ ერთეულში მიმდინარე ინფრასტრუქტურული სამუშაოები დაათვალიერა. 2019 წლისთვის ლანჩხუთში 11 600 000 ლარის ღირებულების პროექტები ხორციელდება. აქედან სუფსაში 429 550 ლარი დაიხარჯება, რაც კონკრეტულად მოხმარდება სუფსის სუფსის საჯარო სკოლის დაწყებით კორპუსსა და მთავარ კორპუსზე სველი წერტილების, წყალმომარაგების სისტემის მოწყობასა და ახალი ამბულატორიის მშენებლობას. ✔️ახალი ამბულატორიის ასაშენებლად გამოყოფილია 83 000 ლარი; ✔️ სუფსის საჯარო სკოლის დაწყებით კორპუსსა და მთავარ კორპუსზე სველი წერტილების მოწყობის ღირებულება შეადგენს 128 000 ლარს. ✔️ გვიმბალაურში, ღრმაღელეში, სუფსასა და ჩოჩხათის ადმინისტრაციულ ერთეულებში წყალმომარაგების სისტემის მოწყობისთვის დაიხარჯება 1 101 329 ლარი, აქედან კონკრეტულად სუფსას მოხმარდება 218 550 ლარი.
