შშმ პირის სტატუსის მქონე ბენეფიციართა სარეაბილიტაციო კურსის დაფინანსების პროგრამის ფარგლებში 11 ბენეფიციარი ურეკში მაგნიტურ ქვიშებზე დაისვენებს.
ბენეფიციართა პირველი ნაკადი (11 ბენეფიციარი ) სასტუმროს ტიპის კომპლექსში 10 დღეს გაატარებს.
ბავშვები თანხმლებ პირებთან ერთად დღეს მუნიციპალიტეტის მერმა ალექსანდრე სარიშვილმა, საკრებულოს თავმჯდომარე ბესიკ ტაბიძემ, მერის მოადგილეებმა: ბიძინა იმნაიშვილმა და ეკა გუჯაბიძემ გააცილეს.
პროგრამის მხარდამჭერია ასოციაცია „საბა“.
როგორც ასოციაციის ხელმძღვანელმა, ინეზა კვაჭაძემ განაცხადა: ეს დიდი დახმარებაა ჩვენთვის, 10 დღის განმავლობაში ჩვენი შვილები მიიღებენ ექიმის კონსულტაციას და ამასთან ერთად მაგნიტურ ქვიშებზე დაისვენებენ. მინდა მადლობა გადაგიხადოთ, რომ ამის შესაძლებლობა მოგვეცით.
აღნიშნულ პროგრამას მუნიციპალიტეტის მერია 10 000 ლარით აფინანსებს.
