ლანჩხუთის მუნიციპალიტეტის მერთან სამუშაო შეხვედრა გაიმართა, რომელსაც ადმინისტრაციული ერთეულების წარმომადგენლები ესწრებოდნენ.
ალექსანდრე სარიშვილმა შეხვედრაზე დაგეგმილი და შესრულებული ინფრასტრუქტურული სამუშაოების შესახებ მოისმინა ინფორმაცია და დასძინა, რომ აღნიშნული პროექტების ხელშეწყობა მნიშვნელოვანი და აუცილებელია.
მერმა წარმომადგენლებისაგან მიიღო დეტალური ინფორმაცია აზიური ფაროსანას საწინააღმდეგო ღონისძიებებთან დაკავშირებით, აღინიშნა, რომ მავნებლის წინააღმდეგ საბრძოლველად ყველა რესურსია მობილიზებული და ეტაპობრივად მოიცავს ადმინისტრაციულ ერთეულებს.
ალექსანდრე სარიშვილი გაზიფიცირების საკითხითაც დაინტერესდა. როგორც შეხვედრაზე აღინიშნა, სამუშაოები ამ დროისთვის ლესისა და აცანის ადმინისტრაციულ ერთეულებში მიმდინარეობს.
