ლანჩხუთში მესამე საერთაშორისო კონფერენცია გაიმართა

 

მესამე საერთაშორისო კონფერენცია „ახალი შესაძლებლობები რეგიონთაშორისი ეკონომიკური თანამშრომლობისთვის“ ამჯერად ლანჩხუთში, ადმინისტრაციული შენობის სხდომათა დარბაზში ჩატარდა.
კონფერენციაში მონაწილეობა მიიღეს სოფლის მეურნეობისა და ტურიზმის განვითარებით დაინტერესებულმა პირებმა, ბიზნესმენებმა, არასამთავრო ორგანიზაციების წარმომადგენლებმა და ა.შ.
კონფერენციაზე საკმაოდ ვრცლად ისაუბრა „ორბი ჯგუფის“ გენერალურმა დირექტორმა, ირაკლი კვერღელიძემ, რომელმაც მიმოიხლა ის პროექტები, რომლებსაც კომპანია აჭარა-გურიაში ახორციელებს. განსაკუთრებით კი ყურადღება გაამახვილა კურორტ ბახმაროზე, სადაც სწორედ „ორბი ჯგუფია” ის პირველი კომპანია, რომელმაც ბახმაროში თანამედროვე სტანდარტების, უმაღლესი ხარისხის მრავალფუნქციური კომპლექსის მშენებლობა დაიწყო. გარდა ამისა, ირაკლი კვერღელიძემ იმ სამომავლო გეგმებზეც გაამახვილა ყურადღება, რასაც კომპანია ლანჩხუთის მუნიციპალიტეტში სამომავლოდ გეგმავს, რაც ძირითადად ეკოტურიზმის განვითარებას უკავშირდება.
კონფერენციის ორგანიზატორი ა(ა)იპ ეკონომიკური განვითარებისა და ინოვაციების ცენტრის დირექტორი გელა ზოიძე გახლდათ.
ღონისძიებას მუნიციპალიტეტის საკრებულოს თავმჯდომარე, ბესიკ ტაბიძე, მერის პირველი მოადგილე, ბიძინა იმნაიშვილი, ადგილობრივი ხელისუფლებისა და მედიის წარმომადგენლები ესწრებოდნენ.

Share:

კომენტარის დატოვება