„თქვენი ბავშვის ეფექტური განათლების პირადი მენეჯერი“ – ასე ჰქვია პროექტს, რომლის განხორციელებასაც სოციალურ-საგანმანათლებლო პროექტი „ეტალონი“ იწყებს.
იდეის ავტორი და წამყვანი გოჩა ტყეშელაშვილი დღეს მუნიციპალიტეტის მერს, ალექსანდრე სარიშვილს შეხვდა და ახალი პროექტის შესახებ ესაუბრა.
პროექტის მიზანი ოჯახი, ბავშვი, სკოლა, სახელმწიფოს გაერთიანება და მოზარდში მოქალაქეობრივი აზროვნების ჩამოყალიბებაა.
სოციალურ-საგანმანათლებლო პროექტი მაღალტექნოლოგიურია და ინტერნეტის შესაძლებლობებს ეფუძნება, რაც თითოეული მოსწავლის ინდივიდუალიზმს აღიარებს.
– მივესალმებით თქვენს ახალ ინიციატივას. მზად ვართ მხარი დაგიჭიროთ და აქტიურად ჩავერთოთ პროექტში. ვფიქრობ, პროექტის განხორციელება მნიშვნელოვანი და აუცილებელია ჩვენი ახალგაზრდებისათვის -განაცხადა, მუნიციპალიტეტის მერმა, ალექსანდრე სარიშვილმა.
შეხვედრას საკრებულოს თავმჯდომარე, ბესიკ ტაბიძე, საგანმანათლებლო რესურსცენტრის ხელმძღვანელი ნინო ჩიტაძე და მერიის განათლების და კულტურის განყოფილების უფროსი, ქეთი ებრალიძე ესწრებოდნენ.
