ნიგვზიანის ადმინისტრაციულ ერთეულში, სამელიორაციო სამუშაოები მიმდინარეობს. იწმინდება მდინარე წყალწითელას კალაპოტი.
სამუშაოები დღეს, საკრებულოს თავმჯდომარე ბესიკ ტაბიძემ მერიის სივრცითი მოწყობისა და ინფრასტრუქტურის განყოფილების უფროს ნუგზარ ბოლქვაძესთან და ნიგვზიანის ადმინისტრაციულ ერთეულში მერის წარმომდგენელ- ირაკლი გუჯაბიძესთან ერთად მოინახულა.
მელიორაციის სამსახურის ლანჩხუთის სერვისცენტრი უფროსის თეიმურაზ ბარამიძის ინფორმაციით, ნიგვზიანის ადმინისტრაციულ ერთეულში წყალწითელაზე 5600 მ სიგრძის მონაკვეთი გაიწმინდება, ასევე მიმდინარეობს წყალწითელას პარალელური და წყლის შემკრები არხების გაწმენდითი სამუშაოები. ჯამში 21 კილომეტრი სიგრძის მონაკვეთი გაიწმინდება. სამუშაოების ფარგლებში მოეწყობა ხიდი და 9 მილხიდი. სამუშაოების საერთო ღირებულება 400 000 ლარზე მეტს შეადგენს.
