15 დეკემბრის საკრებულოს ბიუროს სხდომა

დღეს ლანჩხუთის მუნიციპალიტეტის საკრებულოს ბიუროს სხდომა გაიმართა, რომელსაც საკრებულოს თავმჯდომარის მოვალეობის შემსრულებელი ვლადიმერ ნანაძე უძღვებოდა

.ბიუროს სხდომას მერის მოვალეობის შემსრულებელი ბიძინა იმნაშვილი ესწრებოდა. ბიურომ დღის წესრიგით განსაზღვრული საკითხები განიხილა.
ლანჩხუთის მუნიციპალიტეტის 2021 წლის ბიუჯეტის პროექტი ბიუროს მუნიციპალიტეტის მერიის საფინანსო-საბიუჯეტო სამსახურის უფროსმა როლანდ ლაშხიამ წარუდგინა და ძირითადი პარამეტრები გააცნო. მისი თქმით, საკრებულოს შენიშვნები და რეკომენდაციები მუნიციპალიტეტის 2021 წლის მთავარ საფინანსო დოკუმენტში მაქსიმალურად აისახა.
ბიურომ საკრებულოს ხუთი მუდმივმოქმედი კომისიის და საკრებულოს აპარატის 2021 წლის სამუშაო გეგმები დაამტკიცა. ასევე „ლანჩხუთის მუნიციპალიტეტის საკრებულოს 2021 წლის სამუშაო გეგმის დამტკიცების შესახებ“ იმსჯელა.
ბიურომ ცნობად მიიღო ლანჩხუთის მუნიციპალიტეტის 2020 წლის ნოემბრის თვის ბიუჯეტის შესრულების ანგარიში.

ბიურომ საკითხის მომხსენებლებთან ერთად განიხილა „ლანჩხუთის მუნიციპალიტეტის 2021 წლის ბიუჯეტიდან სოციალური დახმარების გაცემისა და მიღების წესის დამტკიცების შესახებ“ და „ლანჩხუთის მუნიციპალიტეტის–განათლების ხელშეწყობის; კულტურის ღონისძიებების; სპორტული ღონისძიებების და ახალგაზრდობის მხარდაჭერის პროგრამებიდან დაფინანსების მიზნით გამოყოფილი თანხის გაცემის წესის დამტკიცების შესახებ“ ლანჩხუთის მუნიციპალიტეტის საკრებულოს დადგენილების მისაღებად ადმინისტრაციული წარმოების დაწყების თაობაზე”შესახებ“ ლანჩხუთის მუნიციპალიტეტის საკრებულოს განკარგულებები.

დამტკიცდა „ლანჩხუთის მუნიციპალიტეტის ელექტრონული სერვისების განვითარების მიმართულებით სტრატეგიული გეგმის დამტკიცების შესახებ“ ლანჩხუთის მუნიციპალიტეტის საკრებულოს განკარგულების პროექტი.
ცნობად იქნა მიღებული ლანჩხუთის მუნიციპალიტეტის საკრებულოს ფრაქცია „ლანჩხუთის განვითარებისთვის“ შექმნის შესახებ ლანჩხუთის მუნიციპალიტეტის საკრებულოს იურიდიულ საკითხთა და ეთიკის კომისიის დასკვნა.
საკითხები შემდგომი განხილვისთვის გადაეგზავნა კომისიებსა და ფრაქციებს.
#ბიუროსსხდომა
#საკრებულო2020

Share:

კომენტარის დატოვება