კორონავირუსთან დაკავშირებით ლანჩხუთის მუნიციპალიტეტის მერიაში პრესკონფერენცია გაიმართა.
როგორც საზოგადოებრივი ჯანდაცვის ცენტრის უფროსის მოვალეობის შემსრულებელმა ნატო მენაღარიშვილმა განაცხადა, გუშინ კარანტინში საზღვარგარეთიდან შემოსული 3 ადამიანის გადაყვანა მოხდა, ხოლო 33 პირი თვითიზოლაციაში იმყოფება.
არანაირი სიმპტომი არც ერთ მათგანს, ჯერჯერობით არ უფიქსირდება. აღინიშნა, რომ დღეიდან ყველა სახის კვების ობიექტი წყვეტს მუშაობას, რაც შეეხება უფასო სასადილოს ბენეფიციარებს, ისინი საკვებს საჭიროების შემთხვევაში სახლში მიიღებენ ან გაიტანენ კონტეინერების მეშვეობით. ე.წ. სამარშუტო ტაქსები, რომლებიც ახორციელებენ შიდა გადაადგილებას კერძოდ, სოფლიდან – სოფელში მოძრაობას დროებით აჩერებს. ხოლო საქალაქთაშორისო ტრანსპორტი, ასევე, მუნიციპალიტეტიდან, მუნიციპალიტეტში დამაკავშირებელი ტრანსპორტი ჩვეულ რეჟიმში აგრძელებს მუშაობას.
„ ლანჩხუთის მუნიციპალიტეტში პანიკის საფუძველი ნამდვილად არ არის, სავაჭრო ობიექტებში სასურსათო მარაგის ნაკლებობა არ ფიქსირდება. ყოველდღიურ რეჟიმში მიმდინარეობს ფასების ზრდასთან დაკავშირებით კონტროლი. კოორდინირებულად ვმუშაობთ საკოორდინაციო საბჭოსთან და გვაქვს მუდმივი კომუნიკაცია მოსახლეობასთან. ამ დროისთვის ვითარება სრულად ექვემდებარება კონტროლს, – განუცხადა ჟურნალისტებს ლანჩხუთის მერმა, ალექსანდრე სარიშვილმა.
