ბიუროს სხდომა გაიმართა

ლანჩხუთის მუნიციპალიტეტის საკრებულოს ბიუროს სხდომაზე, რომელსაც ბესიკ ტაბიძე უძღვებოდა, დღის წესრიგით განსაზღვრული საკითხები განიხილეს.

საკრებულოს ბიურომ 2020 წლის დამტკიცებულ ბიუჯეტში განსახორციელებლი ცვლილებები განიხილა და საკითხი საკრებულოს გასვლითი სხდომის დღის წესრიგში შეიტანა. წარმოდგენილი პროექტის მიხედვით, მუნიციპალიტეტში სხვადასხვა ინფრასტრუქტურული პროექტები განხორციელდება.  სტიქიის სალიკვიდაციო სამუშაოების განსახორციელებლად  1800000 ლარი დაიხარჯება,   კერძოდ ხიდების რეაბილიტაციასა და ნაპირსამაგრი სამუშაოების მოწყობაზე . სკოლების რეაბილიტაციაზე  – 520000 ლარი, სოფლის მხარდაჭერის პროგრამების განხორციელების მიზნით  -748000 ლარი მიიმართება.

გაეროს განვითარების პროგრამის-რეგიონული ადგილობრივი განვითარების ინიციატივების ხელშეწყობის ფარგლებში, ლანჩხუთის მუნიციპალიტეტს გამოეყო გრანტი 309890 ლარი, რომლითაც დაფინანსდება ორი პროექტი. გრიგოლეთის განაშენიანების გეგმის შემუშავებისათვის დაიხარჯება 250000 ლარი. ტურისტული მარშუტების ლანჩხუთის მუნიციპალიტეტის საშუალომთიანი თემების ეკონომიკური გაძლიერებისათვის 67040 ლარი. მათ შორის გრანტით ფინანსდება 59890 ლარი, ხოლო მუნიციპალიტეტის თანადაფინანსება შეადგენს 7150 ლარს.

გარდა ამისა, იგეგმება მუნიციპალიტეტის ბიუჯეტის სარეზერვო ფონდის გაზრდა 50 ათასი ლარით. ამ და სხვა ცვლილებების გათვალისწინებით, საკრებულო გადაწყვეტილებას უახლოეს სხდომაზე მიიღებს.

საკრებულო მორიგ სხდომაზე იმსჯელებს  „ლანჩხუთის მუნიციპალიტეტის მერიის თანამდებობის პირთა და სხვა მოსამსახურეთა საშტატო ნუსხისა და თანამდებობრივი სარგოს ოდენობების დამტკიცების შესახებ“ ლანჩხუთის მუნიციპალიტეტის საკრებულოს 2017 წლის 25 დეკემბრის N38 დადგენილებაში ცვლილების შეტანის თაობაზე“.

გასვლითი სხდომის დღის წესრიგში შევიდა განკარგულებების პროექტები,  რომლებიც  მერისთვის საკრებულოს თანხმობას გულისხმობს  მუნიციპალიტეტში არსებული უძრავი ქონების პირდაპირი განკარგვის წესით სარგებლობის უფლებით უსასყიდლოდ გადაცემაზე შ.პ.ს. ქალთა საფეხბურთო კლუბ  ,,ლანჩხუთისთვის“,     სსიპ „საქართველოს სტატისტიკის ეროვნული სამსახურის – საქსტატისა” და ა(ა)იპ „ლანჩხუთის მუნიციპალიტეტის კეთილმოწყობისა და მომსახურების ცენტრისთვის“.

ბიურომ  მერიის სოციალური და ჯანდაცვის სამსახურის მიერ 2019 წელს გაწეული მუშაობის შესახებ ანგარიში დადებითად შეაფასა.

ბიუროს გადაწვეტილებით, საკრებულოს მორიგი სხდომის თარიღად  2020 წლის 30 აპრილი, 11 საათი განისაზღვრა.

 

Share:

კომენტარის დატოვება