ლანჩხუთის მუნიციპალიტეტის საკრებულოს ბიუროს სხდომაზე მიმდინარე საკითხები განიხილეს. სხდომას საკრებულოს თავმჯდომარე ბესიკ ტაბიძე უძღვებოდა.
ბიურომ ლანჩხუთის მუნიციპალიტეტის 2020 წლის ბიუჯეტის ივნისის თვის შესრულების ანგარიში მოისმინა და ცნობად მიიღო. მერის, ალექსანდრე სარიშვილის განმარტებით, პანდემიის მიუხედავად, ბიუჯეტის შესრულება სტაბილურად მიმდინარეობს. ივნისის თვის მდგომარეობით 54%-მდეა შესრულებული.
ბიურომ ცნობად მიიღო და დადებითად შეაფასა მერიის განათლების, კულტურის, სპორტისა და ახალგაზრდულ საქმეთა სამსახურის მიერ 2019 წელს გაწეული მუშაობის შესახებ ანგარიში. სამსახურის უფროსმა ია ჩხაიძემ ვრცლად ისაუბრა განხორციელებულ პროგრამებზე და წარმატებულ პროექტებზე.
ასევე ცნობად იქნა მიღებული მერიის სამხედრო აღრიცხვის, გაწვევისა და მობილიზაციის სამსახურის მიერ 2019 წელს გაწეული მუშაობის შესახებ ანგარიში.
ბიურომ „ლანჩხუთის მუნიციპალიტეტის მონაწილეობითი ბიუჯეტის პროგრამის განხორციელების წესის დადგენის შესახებ“ იმსჯელა.
მონაწილეობითი ბიუჯეტის პროგრამა წარმოადგენს მუნიციპალიტეტის საბიუჯეტო დაგეგმვის, პროექტების განხორციელების და მონიტორინგის პროცესში მოქალაქეთა მონაწილეობის ფორმას, რომელიც ორიენტირებულია მოქალაქეთა შესაძლებლობის გაძლიერებისკენ, რომ მათ დამოუკიდებლად და საკუთარი პასუხისმგებლობით უპასუხონ ადგილობრივი მნიშვნელობის საჭირობებს, მუნიციპალიტეტის მხარდაჭერით.
ვრცლად განხილული საკითხების შესახებ იხილეთ ბიუროს სხდომის დღის წესრიგი:
https://bit.ly/2B0qjTn
ბიუროს გადაწყვეტილებით, საკრებულოს მორიგი სხდომის თარიღად 28 ივლისი, 11.00 საათი განისაზღვრა.
