სოფლის მხარდაჭერის პროგრამის ფარგლებში მოსახლეობასთან შეხვედრები გაგრძელდა.
ამჯერად ლანჩხუთის მუნიციპალიტეტის მერი ალექსანდრე სარიშვილი და მისი მოადგილე, ბიძინა იმნაიშვილი ღრმაღელის ადმინისტრაციულ ერთეულში შემავალი სოფლების მოსახლეობას შეხვდნენ.
ღრმაღელის ადმინისტრაციულ ერთეულს აღნიშნული პროგრამით 64 ათასი ლარი გამოეყო, რომელიც ასე გადანაწილდა:
ღრმაღელე, ომფარეთი – 16 000 – 16 000 ლარი;
ორმეთი – 12 000 ლარი;
წყალწმინდა – 20 000 ლარი.
შეხვედრებზე გამოიკვეთა მოსახლეობის სურვილი: გარე განათების დასრულება იმ უბნებში, რომელიც ჯერ კიდევ გაუნათებელია.
როგორც ალექსანდრე სარიშვილმა აღნიშნა, თვის ბოლოს შეხვედრები დასრულდება და დაიწყება საპროექტო სამუშაოები.
შეგახსენებთ, რომ ლანჩხუთის მუნიციპალიტეტს აღნიშნული პროგრამის ფარგლებში 748 ათასი ლარი ერგო.
